CASPER
se eerste Suidooster

Met: Shimmy Isaacs

Die talentvolle komediant Shimmy Isaacs het Suidoosterfees-gehore in 2011 laat kraai van die lag met haar eenvrou-komediestuk Allie Pad Funny Worcester. Met reeds ’n wenslag by die 2010 Ikhewzi-fees, het Shimmy nog ’n eerbewys ingeoes toe sy as die Klein Karoo Nasionale Kunstefees se Kanna Slurpie-wenner vir "Howzit my Bra" aangewys is.

Dié produksie met sy uitbundige humor sal beslis ’n komiese hoogtepunt op Suidoosterfees 2012 wees. Tesame met verskeie kwessies rakende die bra, takel "Howzit my Bra" ook die onderwerp van borskanker en gee ’n stem aan diegene wat die gevreesde siekte oorleef het.

Met: Casper de Vries

Casper de Vries op sy stoutste en beste spesiaal vir Suidoosterfees 2012.

Regie: Juanita Swanepoel van Klein Libertas teater Stellenbosch

Teks en speler: Celeste Slabber-Loriston

Die oggend toe Mathilda Bouwer háár Romeo se hemp, met die vreemde goue hare, in haar hand vashou...daardie oggend het sy by haar kombuisdeur uitgestap en aan GIF begin dink.Tussen bloed en arseen het sy die deur finaal agter haar toegetrek en, Maggie Bouvier geword... ʼn Vrou met drome. GIF vertel die verhaal van elke vrou...en man, wat al die lewe en sy uitdagings ervaar het.